nilanews.com

Fokus Dan Tuntas

NASDEM SUBANG MAKSIN DEUI

Teu karasa, ceuk mang Eep

Teu karasa, ceuk mang Eep

nilanews.com_ Keur kaopat kalina NasDem Subang ngayakeun vaksin Covid-19 anu tempatna di Klinik Mitra Medika Subang, diluluguan ku Ir. Novaza, Anggota DPRD Kabupaten Subang jeung Ambu Nina Nurhayati, Anggota DPRD Jawa Barat.

Mang Eep sakalian milu divaksin, dumeh saacanna dikudukeun ku patugas konsultasi heula jeung ahli panyakit jero sabab mang Eep ngabogaan riwayat panyakit jantung, malah mah geus diring opat sagala, “saatosna dikonsultasikeun, tiasa divaksin, alhamdulillah, estu kacida pentingna divaksin teh,” saur mang Eep sumringah.

Saperti anu enggeus-enggeus, loba pisan kaum milenial jeung barudak sakola anu divaksin, sok sanajan diantrikeun, tapi dalah kudu kumaha, vaksin geus mangrupakeun kabutuhan masyarakat, “kuring mah indit-inditan jauh moal, asup ka mall mmoal, komo ka luar nagri mah, digawe jadi buruh hanteu, divaksin teh estu keur ngajaga kasehatan, nuhun ka Partai NasDem,” ceuk Bana urang Gunungtua Cijambe.

Ngobrol jeung Ir. Nova ngeunaan vaksin, cenah saur Nova mah, masih keneh loba masyarakat anu acan kagiliran, kulantaran kitu kacida ditungguan pisan ku rahayat lamun NasDem nurunkeun deui vaksin keur masyarakat.

Ngeunaan vaksin, saur Ambu Nina Nurhayati anu ayeuna mancen tugas jadi Pangurus DPW NasDem Jawa Barat nandeskeun yen NasDem sakumaha anu dicarioskeun ku kang Saan salaku Ketua DPW NasDem Jawa Barat, estu geus jadi program NasDem Nasional, “bakal terus diayakeun ku Partai NasDem, gotong royong, kusaha deui nyehatkeun masyarakat lamun lain ku urang sarerea,” kitu kasauran Ambu Nina.

Tinggalkan Balasan

Alamat email Anda tidak akan dipublikasikan. Ruas yang wajib ditandai *